السبت، 8 فبراير 2014

الحب في زمن الامتحانات

مشغل الموبايل على شوية أغاني عشان تهون عليَّ جو المذاكرة الخانق، قمت عشان أجيب حاجة من على الترابيزة فعيني وقعت بالصدفة على شنطة الكتب اللي المفروض أقرا منها دلوقتي لولا الامتحانات، قامت اشتغلت أغنية نانسي عجرم الخالدة (مين دا اللي نسيك). تسمَّرت مكاني في صمت لتعبِّر عني كلمات الأغنية، نظرت للكتب نظرة المشتاق: (مين دا اللي نسيك تعرف لو قلبي بيتكلم كان رد عليك.)
وفي محاولة مني لرد عتاب الكتب عليَّ: (مين دا اللي نسيك قبل ما نتعاتب طب سلِّم الله يخليك) ومع استمرار صمت الكتب في قسوة، صِحت: (واعملك إيه.. بقول هنسى ومبنساش ليه هواك لسه أنا عايشة عليه ومش حاسة إن انا هقدر أعيش غير بيه)
وبعد اليأس واستمرار صمت الكتب، قلت مودِّعًا ولم يكن مفرٌّ من الوداع: (لو عدّوا سنين قلبي محلفني إني ما اكمل غير وانا وياك.. تعرف لو مين قسّاني عليك مهما هيعمل أنا مش هنساك..)
ثم عدت وجلست على الكرسي، وتناولت الآلة الحاسبة وأخذت أحسب الMean وأنا مشغول بالتفكير رغم انتهاء الأغنية... وبدأ عبد الوهاب بالغناء: (جفنهووو علَّم الغزلْ)

ليست هناك تعليقات:

إرسال تعليق

ملحوظة: يمكن لأعضاء المدونة فقط إرسال تعليق.

هجرة مواقع التواصل الافتراضي

      لا أتخيل كيف سيبدو يومي من دون الساعات الطويلة التي أقضيها في تصفح تويتر أو فيسبوك أو تطبيقات التواصل الأخرى مثل ريديت. أتاح لي العمل ...